Рускиот заменик-министер за надворешни работи Сергеј Рјабков денес изјави дека Москва нема намера да ја напушти Западната хемисфера.
– Русија нема намера да ја напушти Западната хемисфера, без оглед на тоа што вели Вашингтон. Тие се опседнати со идејата за протерување на Русија, како и на Кина, од регионот, рече Рјабков за време на посетата на Хавана, објави РИА Новости.
Рјабков ја нарече Куба еден од приоритетите на руската надворешна политика, истакнувајќи дека Москва не може да го предаде „Островот на слободата“ и дека тоа е „целосно исклучено“.