Пуштање на патот до манастирскиот комплекс „Трескавец“

Од:

Премиерот Никола Груевски денеска ќе ја посети општина Прилеп и ќе присуствува на пуштањето во употреба на патот кон манастирот „Трескавец“.

Почетокот на градежните работи беше означен минатата година, на големиот празник Успение на Пресвета Богородица. Тогаш министрите за транспорт и врски Миле Јанакиески и за култура Елизабета Канческа-Милевска нагласија дека патот е одамна најавен и оти е еден од основните услови за заштита на манастирскиот комплекс, кој е светски познат споменик на културата.

Патот долг 7,5 километри го финансира Министерството за транспорт и врски за што се одвоени 81 милион денари, а го гради фирмата „Гранит“.

Според агендата, премиерот Груевски и министерот за образование и наука Спиро Ристовски во Прилеп ќе присуствуваат на отворање спортска сала во средното општинско училиште „Ристе Ристески-Ричко“ и на поставување камен-темелник на спортска сала во основното училиште „Добре Јованоски“, активности што се дел од проектот на Владата за изградба и опремување 145 училишни спортски сали.

Би можело да ве интересира

ВИДЕО: Спасени се две туристки од Полска кои паднале во пресек од карпа над провлија кај „Трескавец“

Се бараат доброволци за гаснење на пожарот кај Трескавец

Наум Локоски

ЦУК: Повторно е активен пожарот во близина на Трескавец

Наум Локоски

Трескавец се уште во опасност, голем број доброволци се борат со огнената стихија

Наум Локоски

Околу 140 луѓе внимаваат на пепелиштето околу манастирот Трескавец

Ана Ололовска

ЦУК: Пожарот околу манастирот Трескавец ставен под контрола

Ана Ололовска