Општина Виница започна со реализацијата на програмата Форуми во заедницата преку која граѓаните на општината преку форумски сесии ќе дискутираат и дебатираат околу инфраструктурните проблеми и нивното решавање со конкретни идеи и проекти.
– Во рамките на првата форумска сесија 87 гласа беа дадени за инфраструктура, додека 37 за јавни услуги. Со ова беа согледани желбите на граѓаните за заедничко учество во решавањето на битни проблеми со кои тие се соочуваат, притоа најрационално користејќи ги општинските пари, изјави градоначалникот на Виница Емил Дончев.
За проектот Форуми во заедницата во Виница се обезбедени 2,8 милиони денари, средства од Швајцарската агенција за развој и соработка и од општината Виница.