Прва посета на Јолевски како министер за одбрана на седиштето на НАТО

Од:

Новиот министер за одбрана на Република Македонија, Зоран Јолевски, својата прва официјална посета на новото работно место ќе ја има во петок на седиштето на НАТО во Брисел, јавува дописникот на МИА од Брисел.

Јолевски, кој задутре задно со целиот состав на Владата треба да биде избран во македонското Собрание, на 20 јуни заедно со министерот за надворешни работи Никола Попоски, ќе присуствува на редовниот состанок на Северно-атлантскиот совет со Република Македонија.

На овој состанок, министрите за надворешни работи и за одбрана ќе ги претстават постигнатите резултати на нашата земја во реализацијата на севкупните реформи предвидени со Акцискиот план за членство во НАТО, со посебен акцент на политичко-економските и обранбено-безбедносните постигнувања. Со овој состанок ќе биде затворен Петнаесеттиот циклус на имплементацијата на Акцискиот план за членство на Република Македонија во НАТО за 2013-2014 година.

Исто така, посетата на двајцата министри на седиштето на Алијансата во Брисел ќе биде искористена и за средба со заменикот на генералниот секретар на НАТО, Александер Вершбоу, кој е предвидено да го води состанокот на Советот.

Посетата на Јолевски на седиштето на НАТО, како негова прва на министерското место на кое дојде по седумгодишно амбасадорување во САД, е јасен сигнал за цврстата определба на македонската Влада и пред се на Министерството за одбрана за членство на Македонија во Северноатлантската организација.

Би можело да ве интересира

Мицкоски во Берлин на состанокот посветен на Украина: Ја потврдивме поддршката за постигнување праведен и траен мир преку дијалог, дипломатија и координација со нашите сојузници

Бајден за потегот што го загрижи Кремљ: НАТО стигна до границите на Русија

Лавров: НАТО им нанесе голема штета на соседните земји

Романија предупредува на влошување на безбедносната состојба во Црното Море, бара поголема поддршка од ЕУ и НАТО

Финска го отфрли наводното руско барање за напуштање на НАТО

Москва не се откажува од барањата од 2021 година: НАТО да се врати на границите од 1997 година