Прв состанок меѓу балканските и европските експерти за оружје

Од:

Примена на европските искуства и постоење на соодветно воспоставена регионална мрежа на експерти е од исклучително значење за сузбивање на нелегалната трговија со оружје. Ова го истакна министерката за внатрешни работи Гордана Јанкулоска на првиот состанок меѓу групата експерти за оружје од земјите на ЈИЕ со претставниците на Европска група на експерти за оружје (EFE) што денеска и утре ќе се одржува во Скопје.

Според Јанкулоска, продлабочената регионална соработка е од суштинско значење во делот на планирање адекватни чекори за успешно справување со транснационалната димензија на нелегалната трговија со оружје.

– Република Македонија во координација со другите држави од регионот, но и со силна поддршка од Мрежата на европски експерти за оруже–ЕФЕ, како и со поддршка на Европол, пристапи кон реализација на идејата за воспоставување на експертска група за мерки против недозволена трговија со оружје во Југоисточна Европа, потенцираше Јанкулоска.

Постоењето на таква експертска група, како што нагласи, ќе овозможи брза размена на криминалистички и разузнавачки информации, како и развивање на поефективни истражни и разузнавачки стандарди, а дополнителен придонес ќе даде и во зголемувањето на оперативната соработка, како меѓу земјите од регионот и агенциите така и со земјите членки на Европската унија.

– Таквиот облик на делување ќе овозможи стандардизирање на начинот на собирање и обработка на статистички податоци и изготвување анализи кои се однесуваат на производството, складирањето и трговијата со огнено оружје и муниција, рече Јанкулоска.

На првиот состанок на експертските групи присуствуваа директорот на БЈБ при МВР Митко Чавков и РЈО Марко Зврлевски. Состанокот технички и финансиски е поддржан од TAIEX.

Би можело да ве интересира

МВР апелира до родителите и јавноста: Препознајте ја опасноста од групата „764“ – заштитете ги децата

(ФОТО) Левица: Полициско насилство врз малолетници во Охрид – Tошковски молчи

А1он

Две верзии за целта на планираниот атентат во Грција: Ирански дисидент или израелски државјанин

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

МВР во 2026 сè уште работи со тефтери, Тошковски најавува дигитализација за три до четири месеци

За пет часа полицијата напиша 221 казна за пешаците во Македонија

А1он