Во касарната „Илинден“ денеска е извршена проверка на Стандардно оперативните процедури (СОП) на АРМ за поддршка на НАТО силите на Косово (КФОР) во случај на итна медицинска евакуација.
Во проверката учествуваа единици на АРМ, претставници од КФОР и персонал од клиничката болница „Систина“, а како набљудувачи и претставници на НАТО советодавниот тим и претставник од командата на КФОР, воздухопловното воено аташе на САД, Директорот на службата за здравство од амбасадата на САД во Република Македонија, соопшти Министерството за одбрана.
Активноста е во рамки на потпишаниот договор меѓу Владата на Република Македонија и НАТО силите на Косово (КФОР) и по изработката на СОП од страна на АРМ.
Со изработените СОП се регулираат обврските и должностите на командите и единиците на АРМ во случај на итна медицинска евакуација на персонал на КФОР. Овие процедури беа практично проверени, а активноста овозможи нивно прецизирање и ажурирање, се наведува во соопштението од МО.
