СДСМ денеска ќе го продолжи протестниот караван со автомобили на членови на партијата. Караванот ќе се движат по нова маршута која ќе се протега по сообраќајниците на населбите Аеродром, Автокоманда, Железара, Чаир и Центар.
Колоната автомобили ќе тргне од пред салата „Јане Сандански“ и ќе се движи по булевар „АВНОЈ“ кон Ново Лисиче. На крстосницата со булевар „Србија“, караванот ќе сврти лево и ќе се движи по булеварот „Киро Глигоров“, се до клучката во Автокоманда. Потоа ќе продолжи да се движи по булеварот „Александар Македонски“ и преку улиците „16-та Македонска бригада“, „Коце Металец“ во Железара и „Ферид Бајрам“ во Чаир.
На крстосницата пред општина Чаир караванот ќе сврти десно по булеварот „Христијан Тодоровски Карпош“, па потоа лево по улицата „Босна и Херцеговина“ и ќе се движи по улиците „Кемал Сејфула“, „Џон Кенеди“ и „Цветан Димов“, се до булеварот „Крсте Петков Мисирков“.
Преку булеварот „Гоце Делчев“, покрај ТЦ „Мавровка“ и „Илинденска“, караванот ќе пристигне пред зградата на Влада на Република Македонија.
