И вториот ден од најавениот протест на Опозицискиот блок помина мирно и достоинствено.
Освен крстосницата која беше блокирана вчера, веќе вечерва поголема маса на незадоволни граѓани можеше да се забележат и на крстосниците кон Општинскиот Суд и на крстосницата каде се спојуваат улиците „Тодосија Паунов“ и „Кеј на Револуцијата“.
Протестот овој пат помина без каков и да е инцидент. По завршувањето на протестот, масата на граѓани во колона која ја предводеше пратеникот во Собранието на Република Македонија Миле Андонов и кандидат за Градоначалник од редовите на опозицискиот блок се упати кон Градскиот Трговски Центар во Кочани.