Додека во Судот почнува рочиштето за нападот во Собранието на 27. април, пред зградата протестираат триесетина поддржувачи на оние кои тепаа пратеници.
На себе носат маици со натписи „Слобода за Жабата“ и „Македонија на Македонците“, а носат и транспаренти на кои пишува „Верував во се, но не дека моите ќе ми судат за Македонија“ и „Слобода за патриотите, затвор за предавниците на Македонија“.
Демонстрантите пред почетокот на судењето побараа од медиумите да не бидат снимани, а кога им беше објаснето зошто ќе бидат забележани од камерите, тие рекоа никој да не се повикува на Закони.
