Протест на здравствените работници против насилството врз нив денеска се одржа под мотото „Доста е! Стоп за насилството врз медицинарите“.
Протестот се одржа пред Клиничкиот центар на хелиодромот, пред ГОБ „8 Септември“, пред стара Градска болница, пред поликлиниките и здравствените домови, пред ординациите, пунктовите, во периодот предвиден за пауза.
Министерот Венко Филипче најави нови мерки за справување со насилството. Тој рече дека во координација со министерството за правда и МВР договориле конкретни мерки. Министерот најави мобилна патрола во старата градска болница, каде, како што рече, имало најмногу инциденти, особено во дежурствата.