„Ова ли е правда“, „За кражба седум години, а за убиство една година“, „Охрабрете се, судете правилно“.
Со овие пароли роднините и пријателите на Крсте Стерјоски, кој минатата година почина по физички напад од двајца тетовци, протестираа поради пресудата за случајот.
Пред тетовскиот суд изјавија дека во многу случаи повисоки казни се добивале за кражба и дека се сомневаат дека се работи за корупција.
Медиумите побараа став и од Основниот суд Тетово од каде само ги доставија информациите за судскиот случај.
Според пресудата, браќата Луис и Фарук Биљали се виновни за нанесување тешка телесна повреда со смртни последици и се осудени на вкупно 4 години затвор. Пресудата на основниот суд во Тетово, ја потврдила и гостиварска апелација.