Во тетовско Глоѓи при претрес на куќа биле пронајдени поголем број на куршуми и пиштол, соопшти полиција.
Според информациите од МВР, во текот на вчерашниот ден од 13.30 до 15.30 часот, врз основа на судска наредба, полициски службеници извршиле претрес во домот на 64-годишниот К.Н. во село Глоѓи, тетовско.
При претресот, посочуваат од полицијата биле пронајдени и одземени 185 куршуми за пиштол калибар 7,62 милиметри и 40, исто така, куршуми за пиштол, калибар 6,35 милиметри, за кои К.Н. не поседувал соодветна документација. К.Н. бил лишен од слобода и задржан во полициската станица Тетово за понатамошна постапка.