Дваесет и седум парчиња артилериски гранати од 75 мм, 20 парчиња артилериски гранати од 40 мм, три минофрлачки мини од 60 мм и пет парчиња артилериски противавионски куршуми 20 мм, од Втората Светска Војна, пронајдоа утрово пиротехничарите од Дирекцијата за заштита и спасување покрај железничката пруга во Куманово, на истото место каде што пред девет дена, беа пронајдена повеќе парчиња гранати и мини од тој период.
Пиротехничарот од ДСЗ Куманово Гоце Илиќ информираше дека четири дена го пребаруваат теренот по претходна пријава на работници кои вршеле ископ за пруга и по барање на железници.
Пронјадените парчиња, првин ќе бидат однесени на безбедно место, а потоа ќе бидат уништени на Криволак.
-Гранатите се во исправна состојба, херметички се затворени иако се кородирани, изјави, пиротехничарот од ДЗС од Скопје Марјан Стефановски.
На оваа локација од 7 октомври до денеска пронајдени се близу 70-тина парчиња гранати и мини од Втората Светска Војна.