Пронајдени 27 килограми марихуана, приведени две лица од Албанија

Од:

Полицијата вчера пронашла 27 килограми марихуана во возило „опел вектра“ управувано од албански државјанин кај село Кажани – на патот за село Ѓавато, битолско. Марихуаната била наменета за транспорт во Грција.

-Полициски службеници од Регионалниот центар за гранични работи Запад и Одделот за прекуграничен криминал, миграции, странци и реадмисија Охрид, вчера по претходно добиени оперативни сознанија, кај село Кажани – на патот за село Ѓавато, битолско, запреле патничко возило „опел вектра“, со ресенски регистарски ознаки, управувано од М.В.(43) од Албанија, а како сопатник бил Т.М (36) исто така од Албанија. При преглед на возилото, полициските службеници пронашле и одзеле две торби со 27 пакувања марихуана со тежина од околу 27 килограми. Марихуаната била наменета за транспорт во Грција, информираат од МВР.

Лицата биле приведени во Полициската станица Битола и по целосно документирање на настанот, до Основното јавно обвинителство Битола, ќе биде поднесена кривична пријава поради постоење основи на сомнение за сторено кривично дело „неовластено производство и пуштање во промет на наркотични дроги, психотропни супстанци и прекурсори“, казниво по член 215 од Кривичниот законик на Р.С. Македонија.

Би можело да ве интересира

Грабежот во НЛБ банка го извршиле тројца, кои потоа го запалиле возилото

А1он

Пронајден експлозив во семеен дом во Крушево

А1он

Скопјанец осомничен дека неовластено држел марихуана во куќата на неговиот дедо

Предраг Петровиќ

(ВИДЕО) Петровска: Се надевам дека Чулев ќе се обиде да се одлепи од политичките влијанија, исто како и јас

Кристијан Ландов

Полицијата го пронајде измамникот кој ветуваше враќање заостанати пензии

Гостиварка го пријавила сопругот дека ја принудувал на проституција

Ана Ололовска