Штипскиот универзитет „Гоце Делчев“ (УГД) денеска го промовираше деветтиот Каталог на изданија. Лилјана Колева – Гудева одговорна за издавачката дејноста на УГД-Штип вели дека традицијата за издавање каталог продолжува и оваа година, којшто ги содржи сите изданија, кои биле публикувани од минатиот патронен празник до оваа година.
– Издавачката дејност во последните години бележи добар напредок. Електронската библиотека се збогатува за околу стотина електронски учебници и учебни помагала. Овој каталог содржи вкупно 152 изданија, од кои што 37 учебници, шеесеттина скрипти, практикуми, околу 14 периодични изданија. Така што можеме да се пофалиме со тоа што е сработено во минатата година, рече Колева-Гудева.
Во рамките на настанот Штипскиот универзитет „Гоце Делчев“ ја доби и донацијата од Тодор Кралев, професор Емеритус. Неговата ќерка Наташа Кралева вели дека донацијата од 200 стручни книги од нејзиниот татко се подаруваат на Националната установа-Универзитетска библиотека „Гоце Делчев“-Штип, а ќе можат да ја користат студентите, со што ќе се започнаат со неговото 47-годишно творештво.