Министрите за внатрешни работи и за образование и наука, Гордана Јанкулоска и Спиро Ристовски, денеска, во скопското Основно училиште „Стив Наумов“ ќе присуствуваат на промоцијата на „Сообраќаен буквар 2“ – ДВД издание за децата од прво одделение и од подготвителните предучилишни групи во градиниките на територијата на цела држава.
На промоцијата на која што е предвидено министерката Јанкулоска да има свое обраќање ќе присуствуваат и претседателот на Републичкиот совет за безбедност на сообраќајот на патиштата, Никола Ангеловски и градоначалникот на општина Гази Баба Тони Трајковски.
ДВД изданието „Сообраќаен буквар 2“ се состои од десет филмски стории во кои се опфатени различни теми и ситуации во сообраќајот.
Промоцијата е дел од традиционалната акција „Да ги заштитиме децата во сообраќајот“ на Републичкиот совет за безбедност на сообраќајот на патиштата, МВР, МОН, МТСП и општините во Република Македонија.