Првиот национален извештај од Матрицата на индикатори за мерење на перформансите и реформите во правосудството ќе биде денеска промовиран во Скопје во организација на Центарот за правни истражувања и анализи.
Извештајот овозможува оцена на перформансите и реформите во правосудството во пет клучни области: ефикасност, транспарентност и отчетност, квалитет на судската правда, независност и непристрасност, и професионален развој и соодветна застапеност.
На презентацијата најавено е обраќање на претседателот на Здружение на судии, судија Џемали Саити, на заменик-амбасадорот во Британска амбасада во Скопје, Доминик Отвеј, на министерката за правда Рената Дескоска и на програмскиот раководител од Центар за правни истражувања и анализи, Жарко Хаџи-Зафиров.