Програмата на Европската комисија „Обуки за дигитални можности” (Digital Opportunity Traineeships) за напредни дигитални вештини во рамки на меѓугранични обуки за студенти од сите дисциплини е отворена и за студенти и претпријатија од Македонија.
Иницијативата се имплементира во рамки на програмата Еразмус + и нуди можност за сите млади да добијат искуство во дигиталната сфера, поточно во делот на анализа на податоци, сајбербезбедност, но и многу други теми, соопшти Министерството за информатичко општество и администрација.
– Со таа цел, а во координација со Европската комисија и еврокомесарката за дигитална економија и општество Мариа Габриел, Владата на Република Македонија, Министерството за информатичко општество и Националната агенција за европски образовни програми и мобилност ги повикуваат сите заинтересирани високообразовни инститиуции да се пријават на повикот, да се приклучат на иницијативата и да воспостават партнерство со европските држави (програмските држави), но и со државите од Западен Балкан (партнерските држави), наведува МИОА.
Сите иницијативи треба да се објават на платформата www.ErasmusIntern.org со назнака „Digital Opportunity Traineeship“. Повеќе информации за оваа програма на линкот: https://ec.europa.eu/