Ново рочиште за предметот на СЈО „Насилство во Центар“ денеска треба да се одржи во Кривичниот суд.
На претходните рочишта, вина признаа четвртообвинетиот Томислав Лазаров и петообвинетиот Јордан Ристевски.
Настанот се случи на 7. и на 10. јуни во 2013-та година, кога група така наречени верници упаднаа и ја демолираа општината, а од прислушуваните разговори, кои со одлука на Апелацискиот суд ќе бидат докази во кривичната постапка, се слуша како што кажа Заев, како Груевски на Миле Јанакиески му бара да се организира инцидент и „да му врзе 3-4 шамари“ на градоначалникот на општина Центар, Андреј Жерновски.
Во овој предмет обвинети се уште 12 лица, меѓу кои лидерот на ВМРО-ДПМНЕ, Никола Груевски, поранешниот министер за транспорт и врски Миле Јанакиески и пратеничката на ВМРО-ДПМНЕ Даниела Рангелова.
Тие се обвинети од СЈО за поттикнување на насилството што се случи при протестите пред општина Центар во јуни 2013 година.