Комисијата за утврдување и проценка на штетите од поплавите од општина Чешиново Облешево, по направениот увид на терен излезе со информација до јавноста во која се посочуваат местата и штетите предизвикани од поплавите и излевањето на реките.
– Најголема штета е направена на мостот на Кочанска река кај село Чифлик и на мостот на река Брегалница кај село Кучичино како и на мостот на Злетовска река кај село Жиганци. Тие се уништени 100 проценти и потребна е итна санација, изјави Катерина Постолова од општина Чешиново Облешево.
Таа истакнува дека во проценката на штетите, оштетен е, односно прекинат е одводниот канал кај село Бање при што се поплавени над 100 ха земјоделско земјиште ,а оштетен е и пропустот на регионалниот пат село Тркање село Жиганци кај млекарницата во село Соколарци.
Општинската комисија за проценка на штетите на општина Чешиново Облешево и предлага итна санација на патот Облешево Теранци и патот кај мостот кај село Кучичино, заштита на мостовите кај селата Жиганци и Кучичино, санација на оштетените пропусти во село Соколарци и крпење на одводниот канал кај село Бање.
Во делот на поплавените површини 60 хектари се под есенски култури, луцерка и житни култури.