Вчера попладне, околу 13.30 часот на подрачјето на Единицата за внатрешни работи Аеродром во координација со Единицата за интервентна полиција при СВР Скопје лишен е од слобода 42-годишниот Б.А. од Скопје, информира МВР.
За него била распишана Централна потерница со која се барал поради сомнение за сторено кривично дело по чл.239 од Кривичниот законик.
Како што информира МВР, тој бил приведен во полициска станица и од него се одземени товарно возило „фиат добло“, за кое се барал, и други предмети поврзани со кривичното дело и вратени на сопственикот.
По документирање на случајот против Б.А. ќе биде поднесен соодветен поднесок.
