Вчера вечер, во 21.10 часот, полициски службеници од СВР Куманово ги лишиле од слобода 61-годишниот Н.М. и 34-годишниот Д.И., двајцата од Куманово, информира МВР.
Тие биле затекнати во деловен објект во село Доброшане, кумановско, при обид да извршат кривично дело „тешка кражба“.
Кај нив биле пронајдени предмети поврзани со кривичното дело. Лицата биле приведени во полициска станица и по целосно документирање на случајот против нив ќе бидат поднесени соодветни поднесоци, соопшти МВР.