Приведена е скопјанка која била барана со централна потерница, информираат од Министерството за внатрешни работи.
„Денеска (25.01.2022) во 14.00 часот од полициски службеници од Оперативен тим потраги на бул.„Илинден“ била лишена од слобода О.Ј.(69) од Скопје. За неа била распишана централна потерница, по наредба од Основен суд Скопје 1 за издржување на казна затвор од една година во врска со сторено кривично дело по чл.300 од Кривичниот законик. О.Ј. била приведена во полициска станица по што ќе биде спроведена во казнено-поправна установа за издржување на казната“, велат од МВР.