Приведен е 19-годишник кој со закана кон вработената, ограбил сеф од продавница во Пробиштип, информираат од Министерството за внатрешни работи.
„На 01.04.2022 во Пробиштип, полициски службеници од Полициската станица Пробиштип – СВР Штип го лишиле од слобода Д.С.(19) од Пробиштип. Тој се сомничи дека на 31.03.2022 во 20.44 часот во маркет на ул.„Македонски Револуционери“ во Пробиштип со закана кон вработената одзел пари од прометот и од сефот. При претрес во неговиот дом, извршен со судска наредба, биле пронајдени одземените пари.
Тој бил приведен во полициска станица и по целосно документирање на случајот против него ќе биде поднесена пријава по член 237 од Кривичниот законик“, велат од МВР.