Полициски службеници од СВР Штип на 8 декември го лишиле од слобода 44-годишниот Н.К. од Скопје кој се барал со потерница поради постоење основи на сомнение дека сторил две тешки кражби на подрачјето на Општина Гази Баба.
– При контрола во возилото „БМВ“, со скопски регистарски ознаки, кое го управувал, биле пронајдени и одземени 4.960 евра, разновиден златен накит, два мобилни телефона, а исто така, било одземено и возилото. За настанот бил запознаен Јавен обвинител, а по негови насоки и по целосно документирање на случајот против него ќе биде поднесена соодветна пријава, соопшти МВР.