Од Министерството за внатрешни работи информираат дека е приведен разбојник кој заканувајќи се со пиштол, извршил кражба на улицата „Македонско Косовска бригада“ во Скопје.
„Денеска (28.09.2021) во 12.00 часот на ул.„Џон Кенеди“ во Скопје, полициски службеници од Полициската станица Чаир и Полициската станица Бит Пазар го лишиле од слобода Р.Р.(45) од Скопје поради основано сомнение дека на 16.09.2021 извршил кривично дело разбојничка кражба во магацински простор во маркет на ул.„Македонско Косовска бригада“ во Скопје, при што одзел пари од чанта на вработена, а откако бил забележан, со пиштол се заканил на друга вработена и се дал во бегство. По целосно документирање на случајот против него ќе биде поднесена соодветна пријава“, велат од МВР.