Полициски службеници од Единицата за интервентна полиција при СВР Скопје вчера во 13.30 часот на булевар „Кузман Јосифовски Питу“ во Скопје го привеле 31-годишниот Г.Б. од Скопје, соопшти Министерството за внатрешни работи.
За него, како што се посочува, била распишана централна потерница за издржување казна затвор од една година и шест месеци за сторено кривично дело по член 236 од Кривичниот законик.
Тој бил спроведен во Казнено – поправната установа Затвор Идризово за издржување на казната, стои во соопштението од МВР.