Приведен е човек кој се сомничи за кражба од сендвичарница, и неколку други кривични дела, информираат од Министерството за внатрешни работи.
„На 18.01.2022 во 03.30 часот на подрачјето на Чаир од полициски службеници од Единицата за интервентна полиција при СВР Скопје, непосредно после извршени кривични дела, бил лишен од слобода М.Ф.(31) од Скопје, со што од страна на Единицата за внатрешни работи-Одделение за криминалистички работи Чаир се расчистени неколку кривични дела.
Имено, приведениот се сомничи дека извршил една „тешка кражба“ од сендвичарница, при што одзел пари и две кривични дела „тешка кражба“ во обид, како и две кривични дела „оштетување на туѓи предмети“.
По целосно документирање на случајот против него ќе следи кривична пријава“, велат од МВР.
