Вчера попладне, во 16.00 часот, полициски службеници од СВР Куманово го лишиле од слобода 20-годишниот Б.Д. од Велес, поради постоење основи на сомнение дека во текот на месец декември извршил осум кражби во угостителски и деловни објекти во Куманово, при што одзел пари и други предмети, информира МВР.
Тој бил приведен во полициска станица и при извршен службен разговор ги признал извршените кривични дела. По целосно документирање на случајот против него ќе биде поднесена соодветна пријава.