По преземени мерки и активности, полициски службеници од OВР Свети Николе расчистија пет кривични дела, од кои три „тешка кражба“ и две „кражба“, за кои постојат основи на сомнение дека ги извршил А.Б.(33) од Свети Николе и против него до Основното јавно обвинителство Свети Николе е поднесена кривична пријава.
Како што соопшти МВР, пријавениот А.Б., во текот на септември 2021 година на подрачјето на Свети Николе од куќи и помошни простории противправно одзел разни предмети, но набргу потоа бил откриен и приведен во полициска станица. Дел од предметите се пронајдени, одземени и вратени на оштетените граѓани.