Вчера попладне во 13.00 часот полициски службеници од Одделението за внатрешни работи Радовиш го лишиле од слобода 18-годишниот М.Ј. од Штип, со престојувалиште во Радовиш, информира МВР.
– Тој се сомничи дека во текот на месец jануари 2022 година сторил 5 кривични дела „тешка кражба“ и 3 кривични дела „кражба“, на подрачје на ОВР Радовиш, како и 1 кривично дело „одземање на моторно возило“, извршено на подрачје на ОВР Неготино, соопшти МВР.
Како што наведува Министерството за внатрешни работи, за случајот е известен Јавен обвинител од Основното јавно обвинителство Радовиш, а по целосно документирање против М.Ј. ќе бидат поднесени соодветни пријави.