Вчера попладне, во 15.30 часот полициски службеници од СВР Куманово го лишиле од слобода 23-годишниот С.А. од Куманово, бидејќи непосредно пред тоа извршил кривично дело кражба во деловен објект на улицата „Биљановска“ во Куманово, информира Министерството за внатрешни работи.
Кај него биле пронајдени украдените предмети, кои ќе бидат вратени на сопственикот. С.А. бил приведен во полициска станица Куманово и по целосно документирање на случајот против него ќе биде поднесена соодветна пријава, соопштува МВР.