Денеска во 10.30 часот, полициски службеници на СВР Тетово го лишиле од слобода 52-годишниот К.А. од тетовски Бродец. Тој се сомничи дека во претходниот период измамил 41-годишен жител на тетовско село и 48-годишен тетовец, извести МВР.
– Како што вчера во полициска станица пријавиле двајцата оштетени, К.А. им ветил дека ќе им помогне да добијат одредени документи за што во неколку наврати му давале пари. Исто така, според пријавеното, откако ги земал парите престанал да им се јавува и не им ги обезбедил ветените документи, соопшти МВР.
Тој бил задржан во Полициската станица Тетово и по целосно расчистување и документирање на случајот против него ќе биде поднесена соодветна пријава.