Уапсен е Мухсин Арифи, директор на специјализирана болница за Геријатриска и палијативна медицина Скопје.
Тој заедно со посредник е приведен под сомнение дека барал и примил поткуп од 20.000 евра за да смести пациент во геријатриска установа.
– Во координирана акција на Основното јавно обвинителство за гонење на организиран криминал и корупција и Министерството за внатрешни работи приведени се две лица под сомнение за кривични дела примање поткуп и примање награда за противзаконито влијание. Се постапува за целосно расчистување за настанот, информираа од Јавното обвинителство.