При претрес во дом на жител од населбата Драчево во Скопје, полицијата вчера пронашла марихуана и вага со остатоци од дрогата. Дилерот е приведен.
Како што соопшти МВР, синоќа во 22:20 часот полициски службеници од единицата за недозволена трговија при СВР Скопје го лишиле од слобода Д.Г.(37) од Скопје затоа што при претрес во неговиот дом, извршен врз основа на судска наредба, била пронајдена марихуана и вага со остатоци од марихуана.
По целосно документирање на случајот против него ќе биде поднесена соодветна пријава.