Приведен е дилер на марихуана од Скопје, при претрес пронајдена е дигитална вага и дрога, информираат од Министерството за внатрешни работи.
„Денеска (14.02.2022) полициски службеници од СВР Скопје- Единица за недозволена трговија, по претходно обезбедени оперативни сознанија и наредба за претрес од Основен кривичен суд Скопје, а во врска со сомнение за кривично дело по чл. 215 од КЗ на РСМ, извршија претрес кај Л.Ѓ. (40) во Скопје. При претресот пронајдена е марихуана и дигитална вага. Лицето е лишено од слобода и по наредба од јавен обвинител задржано во полициска станица и против него ќе биде поднесена кривична пријава“, велат од МВР.