Материјална штета од околу 10 илјади евра претрпел И.Х.(26) од тетовското село Гајре откако неговиот роднина Ќ.И.(69) од истото село под засега неутврдени околности предизвикал пожар во неговата куќа, информираше денеска портпаролот на СВР Тетово Марјан Јосифовски.
Според неговите податоци опожарен е покривот на куќата, целата покуќнина на приземјето и катот, а оштетени се и sидовите и фасадата на објектот.
Со интервенција на тетовските пожарникари и мештаните за кусо време пожарот бил локализиран. По извршениот увид полицијата го привела Ќ.И. и по извршениот разговор тој бил пуштен. Надлежните работат на утврдување на причините и се друго поврзано со пожарот.