На тројца од седумте осомничени за тепачката во Шуто Орирази, судија на претходна постапка им изрече мерка притвор, по предлог на Основното јавно обвинителство. На останатите четири лица вмешани во случајот им се изречени мерки на претпазливост, информираат од Кривичниот суд. Сите се товарат за сторено кривично дело насилство.
Меѓу притворените се и двајца полицајци кои биле во цивил, а претепале тројца полицајци во Шуто Оризари во понеделникот.
Тепачката се случила, откако осомничените се посомневале дека оштетените лица, односно полицајците наводно грабнале дете од Шуто Оризари. Тие ги пресретнале тројцата полицајци и насилно ги извлекле од автомобил ‘хјундаи галопер’ без регистарски таблички.
По нападот, еден од повредените се здоби со потрес на мозок и е во животна опасност, додека останатите двајца завршиле со телесни повреди.
Претходно МВР информираше, дека на полицајците кои се сомничат за извршено кривично дело насилство, изречени им се дисциплински мерки, односно суспендирани се од работните места.
Габриела Димковиќ-Мишевска