Притвор за скопјанец кај кој е пронајдена разновидна дрога

Од:

Основното јавно обвинителство Скопје донесе Наредба за спроведување истражна постапка против 24-годишен скопјанец поради основано сомнение дека го извршил кривичното дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

dobivaj vesti na viber

При извршен претрес на 10.03.2020 година во домот на осомничениот во населбата Илинден,  биле пронајдени девет поединечни пакувања наркотична дрога марихуана во вкупна нето маса од 212,65 грама, како и психотропна  супстанца – амфетамин во вкупна нето маса од 25,73 грама, спакувана во шест поединечни пакувања. Дрогата која осомничениот ја држел неовластено заради продажба е одземена од страна на полициските службеници.

Во насока на обезбедување непречено водење на кривичната постапка, јавниот обвинител кој постапува во предметот достави предлог за определување на мерка притвор за осомничениот поради постоење на опасност од бегство и околности кои го оправдуваат стравот дека осомничениот ќе го повтори кривичното дело. Решавајќи по предлогот на обвинителството, судијата  на претходна постапка од Основниот кривичен суд Скопје  со решение на осомничениот му  определи куќен притвор во траење од 30 дена.

Би можело да ве интересира

Поведени истраги против две лица за пронајдена дрога во подрумски простории во Скопје

Ландов

Пронајдена дрога, приведени тројца дилери во Битола

А1он

ВИДЕО: Пресечен меѓународен канал за транспорт на дрога вредна околу 300.000 евра

Ана Ололовска

На концерт во Скопје петмина приведени, пронајдена дрога

Катерина Павлова-Николовска

Приведени 12 лица при контрола во угостителски објекти во Скопје, пронајдена дрога

Во 2021 година од предозирање со наркотици починале повеќе од 107.000 Американци

А1он