Притвор за скопјанец кај кој е пронајдена разновидна дрога

Од:

Основното јавно обвинителство Скопје донесе Наредба за спроведување истражна постапка против 24-годишен скопјанец поради основано сомнение дека го извршил кривичното дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

При извршен претрес на 10.03.2020 година во домот на осомничениот во населбата Илинден,  биле пронајдени девет поединечни пакувања наркотична дрога марихуана во вкупна нето маса од 212,65 грама, како и психотропна  супстанца – амфетамин во вкупна нето маса од 25,73 грама, спакувана во шест поединечни пакувања. Дрогата која осомничениот ја држел неовластено заради продажба е одземена од страна на полициските службеници.

Во насока на обезбедување непречено водење на кривичната постапка, јавниот обвинител кој постапува во предметот достави предлог за определување на мерка притвор за осомничениот поради постоење на опасност од бегство и околности кои го оправдуваат стравот дека осомничениот ќе го повтори кривичното дело. Решавајќи по предлогот на обвинителството, судијата  на претходна постапка од Основниот кривичен суд Скопје  со решение на осомничениот му  определи куќен притвор во траење од 30 дена.

Би можело да ве интересира

Поднесено обвинение за мажот кој ја навредуваше, па и се закануваше на Данела Арсовска

Затворски полицаец фатен со марихуана и кокаин пред преземање на ноќна смена

Обвинителство отвори постапка против двајца осомничени за насилство врз Данела Арсовска

А1он

Се истражува нападот во Визбегово, ОЈО бара притвор за маж и жена кои нападнаа новинарска екипа

Горан Наумовски

Со месеци бандата која препродавала амфетамин била под посебни истражни мерки

Полициски претреси во Скопје и Куманово, запленета е голема количина на амфетамин, уапсени се неколку лица

Горан Наумовски