Притвор за осомничен за илегална трговија со хероин од Стојаково

Од:

Јавен обвинител од Основното јавно обвинителство Гевгелија извести дека е донесена Наредба за спроведување истражна постапка против едно лице од селото Стојаково, Општина Богданци, за кое постои основано сомнение дека сторило кривично дело – Неовластено производство и пуштање во промет на наркотични дроги, психотропни супстанции и прекурсори од член 215 став 1 од Кривичниот законик.

– Осомничениот, на 6 октомври во утринските часови, на предното совозачко седиште во неговиот автомобил „Застава Југо“ пренесувал 20,24 грама наркотична дрога – хероин во две полиетиленски пакувања, како и 19,72 грама мешавина од кофеин и парацетамол кои се користат како додаток за зголемување на количината на дрогата. При преглед на возилото на локалниот пат од Стојаково кон Богданци, полициските службеници ја пронашле дрогата и ја одзеле, се вели во соопштението на Обвинителството.

– Основното јавно обвинителство Гевгелија до судијата на претходна постапка од Основниот суд во Гевгелија достави предлог за определување мерка притвор, бидејќи оцени дека осомничениот може да се даде во бегство, да влијае врз сведоци или да го повтори делото. Судијата ги прифати аргументите на обвинителството и на осомничениот му определи притвор во траење од 30 дена, се додава во соопштението на Обвинителството. ​​

Би можело да ве интересира

Обвинителство бара притвор за Кристијан Корабовски од Охрид кој ја претепа 26 годишната Сара

Горан Наумовски

(ФОТО) Ја давеше, ја газеше по нозете, ја влечеше по асфалт и ја остави на сред улица – уапсен е син на инспектор во УЈП

А1он

Раководителка на штедилница во Кавадарци осомничена за проневери и злоупотреби на парични средства од граѓани

Фиктивни долгови, фалсификувани потписи и изнуда: Истрага против четири лица, нотар осомничен за несовесно работење

Горан Наумовски

Обвинителството бара притвор за две лица вработени на Универзитетот “Гоце Делчев” во Штип

Горан Наумовски

Скопското ОЈО ќе бара нов 48-часовен притвор за четворицата осомничени за разбојништвата со смртни последици во Скопје

Предраг Петровиќ