Притвор за двајца битолчани кои со ножеви нападнале полициска патрола

Од:

Основното јавно обвинителство Битола поведе постапка и предложи притвор за две лица осомничени за кривично дело напад врз службено лице при вршење работи на безбедноста. Едниот од нив е осомничен и за обид за кривично дело спречување на службено лице во вршење службено дејствие.

Осомничените со ножеви во рацете им се заканиле на двајца униформирани полициски службеници, кои постапувајќи по наредба за вршење на мотопатролна дејност на регионалниот пат Р23-33 Битола-Бистрица го запреле возилото во кое се наоѓале осомничените за да извршат контрола на возило и возач. Со ножевите осомничените се упатиле кон полицајците, вербално заканувајќи им се дека ќе ги убијат. Едниот од осомничените и физички нападнал полицаец, го турнал и започнал да го стега за вратот, нанесувајќи му површинска телесна повреда. Кога полицајците се обиделе да го совладаат, другиот осомничен се обидел да ги спречи така што ги тргал за рацете и униформите. Двајцата осомничени биле лишени од слобода со засилување од интервентна екипа од СВР Битола.

Одлучувајќи по предлогот од надлежниот јавен обвинител, судија на претходна постапка од Основниот суд во Битола на осомничените им определи притвор во траење од осум дена.

Би можело да ве интересира

(ВОЗНЕМИРУВАЧКО ВИДЕО) Таткото со шлаканици по четиригодишната ќерка – „Ќе те утепам, ќе ти ја искршам главата“

А1он

Полицајци обвинети за кражба на 36.000 евра при претрес на куќа

А1он

Насилник од Велес им избега на шест полицајци, иако еден од нив пукал во воздух за да го исплаши

13 полицajци осомничени дека не спречиле користење на пиротехника во „Пулс“ која беше фатална за 62 лица

Горан Наумовски

Левица: Валканите полицајци кои не одговараат за Кочани регрутирани во изборниот штаб на ВМРО-ДПМНЕ

Горан Наумовски

Единаесет уапсени, од кои седум се полицајци, осомничени се за примање и давање поткуп

Горан Наумовски