Четворица државјани на Турција се приведени и против нив е поднесена кривична пријава поради физички напад врз доставувач во Скопје, информираат од Министерството за внатрешни работи.
Инцидентот се случи на 24 мај околу 19.55 часот на подрачјето на Центар, кога, според пријавата, по претходна расправија околу сообраќајот, осомничените со возило „ауди“ удриja во мотоциклoт на 20-годишниот Ф.М. од Скопје, кој во моментот извршуваше работни задачи како доставувач, а потоа и физички го нападнаа.
По преземени оперативни мерки, полициски службеници од СВР Скопје на 25 мај во 1.30 часот ги приведоа О.А. (21), А.Ф.Е. (21), Т.А.Б. (22) и А.И.О. (24), сите државјани на Турција.
Од Единицата за насилен криминал при СВР Скопје, во координација со Основното јавно обвинителство Скопје, против осомничените е поднесена соодветна кривична пријава, а судија на претходна постапка им изрече мерка притвор.
