СВР-Битола информира дека на две лица од Битола и две лица од Скопје им е поднесена кривична пријава и одредена мерка притвор од 30 дена заради неовластено производство и пуштање во промет на наркотични дроги, психотропни супстанции и прекурсори.
На 27 ноември, на „Стрежевски пат“ во близина на село Могила, од страна на полициски службеници од Полициска станица Битола и Одделот за недозволена трговија со дрога и оружје лишени се од слобода лицата З.Б.(25 г.) и Ѓ.Ч.(30 г.) од Битола и С.М. (38 г.) и Р.Б.(26 г.) од Скопје. Од приведените биле одземени 89 грама хероин, соопшти Сања Стаматова, портпарол на СВР-Битола.
Секторот за внатрешни работи Битола против проведените лица поднесе кривична пријава, а од страна на Судија за претходна постапка од Основен Суд Битола, на лицата од Битола и Скопје, им одреди мерка притвор во траење од 30 денови.