Вработени во администрацијата се жалат дека има наредба за задолжително присуство на контрапротестот кој вечерва се одржува во Скопје.
До сите дополнително се испраќаат СМС пораки во кои се наведува дека присуството е задолжително и дека се работи за како што се вели „најзначајниот митинг на нашата партијата“.
Присуството за сите вработени е задолжително, се наведува во пораките.
За вечерашниот контрапротест ќе се носат луѓе од цела држава со автобуси, додека паралелно во исто време скопјани од 18 часот повторно без ниеден автобус излегуваат со своите барања за повлекување на аболицијата, оставка на Ѓорге Ивано и одложување на изборите се додека не се исполнат сите обврски од договорот.