Денеска се враќаат осумте припадници на Македонскиот контингент на АРМ во Авганистан.
Изминатиов период тие ја извршуваа својата должност во Авганистан во рамките на мисијата за тренинг и обука на авганистанските припадници на воената полиција заедно со припадниците на хрватската војска.
Од Генерал штабот на АРМ информираат дека настанот кој се случил во вторникот на 18-ти септември е редовна процедура од транспортот на силите за време на ротација на контингентите.
Кумановецот кој минатата недела беше ранет во Авганистан во базата Ледернек е на лекување во Дубаи. Ова им го кажал ранетиот Тони Атанасовски на своите родители во телефонски разговор.
Базата Ледернек била нападната минатиот петок од Талибанците во време кога 39 годишниот Тони Атанасовски ги превезувал со автобус американските војници и колегите од Босна. Во кругот на базата дошло до престрелка меѓу Талибанците и американската војска. Атанасовски иако бил ранет, успеал со дупнати гуми на возилото да се оддалечи од местото на престрелката и да ги спаси останатите повредени во автобусот раскажуваат родителите на Тони. Тоа беше и базата каде што беше и принцот Хари.
Тој е на печалба во Авганистан веќе две години, а на 8 септември потпишал договор за работа за уште една година преку американската фирма ДајнКорп.