Природен прираст од 3,9 отсто е забележан во Македонија во изминатата 2013 година, со тоа што бројот на живородени деца лани изнесувал 23.138, а на умрени лица 19.208, говорат податоците на Државниот завод за статистика.
Притоа, поголем број на новороденчиња е забележан во градските подрачја, со 13.259 живородени деца, а 9.879 бебиња се родиле во селата.
„Најголемо учество во однос на вкупниот број раѓања по региони, има Скопскиот со 34,8 проценти, а најмало Источниот регион со 6,7 проценти“, објави Државниот завод за статистика.
Во 2013 година, бројот на умрени лица, пак, во градските подрачја изнесува 11.539, наспроти 7.669 умрени лица (39,9 проценти) во селските средини. Најголемо учество во однос на вкупнот број умрени лица, по региони, има Скопскиот со 27,4 проценти, а најмало Североисточниот регион со 8,3 проценти.