Припадничка на собраниското обезбедување: Ѓошевски даде наредба да се отворат вратите од собата за видео надзор

Од:

Судењето за „крвавиот четврток“ по паузата продолжи со сведочење на Милунка Јовановска, вработена во МВР, која на 27 април била присутна во Собранието на РМ како вработена во службата за обезбедување на објектот.

Јовановска во своето сведочење истакна дека обвинетиот Горан Ѓошевски, шеф на обезбедувањето на тогашниот претседател на Собранието, Трајко Вељаноски издал наредба да се отвори просторијата каде стоеле дисковите од Собраниските безбедносни камери.

-Околу 21 часот отидов кон пријавницата да ја сменам батеријата од радио станицата. Во тој момент дојдоа колеги кои се претставија дека се од УБК и побараа да се отвори собата за видео надзор. Колешката Александра им кажа дека за да се отвори таа просторија потребна е наредба од непосреден старешина. Бидејќи тогашниот началник беше повреден, колешката се двоумеше од каде да побара дозвола. Тогаш му се јави на Ѓошевски и кажа дека добила дозвола да ја отвори просторијата. Не слушнав точно што разговараат,сведочи Јовановска.

Сведокот истакна дека од четирите лица кои се претставиле дека е од УБК познава еден и тоа обвинетиот Оливер Радулов.

Обвинетиот Радулов ја запраша Јовановска од каде се познаваат на што таа одговори дека го, знае од факултетот за безбедност.

Судијката Добрила Кацарска даде десетминутна пауза по што судењето ќе продолжи со сведочење на пратеникот Зијадин Села.

Виктор Јованов

Би можело да ве интересира

Фатон Сељами предложен за нов Народен правобранител

Собранието ја прифати интерпелацијата за државниот обвинител Коцевски

Катерина Ѓуровски

На 29 јули интерпелација за републичкиот јавен обвинител – Љупчо Коцевски

А1он

Пратениците дебатираат за ребалансот на Буџетот за 2025 година

Утре на пленарна седница ќе биде дополнетиот ребаланс на Буџетот за 2025 година

Собранието ќе одлучува за дополнетиот ребаланс на Буџетот одобрен од Владата