Прилепчанка глумела бајачка во Дебар, зела златен накит и не го вратила

Од:

37-годишна измамничка од Прилеп се претставила како бајачка пред жена во Дебар, која успеала да ја убеди да ѝ даде златен накит. Накитот требало да биде дел од „баењето“, но прилепчанката никогаш не ѝ го вратила на сопственичката, велат од полицијата.

„ОВР Дебар поднесе кривична пријава против А.Р.(37) од Прилеп, поради постоење основи на сомнение за сторено кривично дело „измама“. Таа, со намера да прибави противправна корист, на 18.07.2021 свесно довела во заблуда жителка на Дебар на која, претставувајќи се како бајачка, ѝ побарала златен накит и не го вратила“, се вели во полициското соопштение.

Од неодамна, особено по пристигнувањето на иселениците, на главната улица во Дебар е зголемен бројот на питачи, жени и деца, кои главно се од Прилеп и Велес, а ги има и од Битола и Гостивар.

Ова е редовна појава во летниот период кога во родниот крај доаѓаат иселениците за кои питачите велат дека се подарежливи од мештаните. За пазарење во Дебар секојдневно доаѓаат и луѓе од соседните општини Центар Жупа и Маврово и Ростуше, односно од долнореканскиот крај.

Полицијата во соработка со Меѓуопштинскиот центар за социјална работа спроведува акции за нивно отстранување од улиците, но тие повторно се враќаат во поголем број, посебно од средината на јули до крајот на август, кога присуството на иселениците е најмасовно.

Би можело да ве интересира

Кривична против двајца од Кочани за „повреда на слободата на определување на гласачите”

Ана Ололовска

Кривична пријава за поткуп за гласови во Делчево

Ана Ололовска

Укината забраната за сообраќај на патот Дебар-Маврово

ВИДЕО: Дупка длабока 20 метри се отвори на патот Маврово-Дебар

Кристијан Ландов

Дупка длабока 10 метри го затвори патот Дебар-Маврово

Катерина Павлова-Николовска

Апсење за поткуп во Лозово, се давале до 100 евра за глас за независен кандидат

Кристијан Ландов