Прилеп ќе гради скејт парк кај спортската сала „Македонија“ во близина на Паркот на револуцијата.
– Тендерот за изградба е распишан. Скејт паркот е предвиден на површина од 1.331 метар квадратен, а ќе може да се користи за возење скејтборд, ролери и велосипеди. Просторот ќе се користи и за кулктурни настани и спортски натпревари, вели градоначалникот Марјан Ристески.
Скејт паркот ќе има повеќе долови, за почетници со рампи, скалила, метални препреки и огради, надвишувања, аморфен базен длабок 80 сантиметри до 2 метра и бетонска површина од 900 метри квадратни. Делот за искусните скејтери ќе има аморфен базен длабок 2 до 3 метри. – Ова е предлог на граѓаните што беше доставен на „Денот на идеи“. Една од основните цели на локалната самоуправа е создавање услови за правилен психо-физички развој на младите луѓе, истакнува градоначалникот Ристески.